BONNIE LESLEY. by R. BURNS.

 
 
Previous Poem Next Poem
 

BONNIE LESLEY.

 

O saw ye bonnie Lesley
As she gaed o'er the border?
She's gane, like Alexander,
To spread her conquests farther.
To see her is to love her,
And love but her for ever;
For nature made her what she is,
And ne'er made sic anither!
Thou art a queen, fair Lesley,
Thy subjects we, before thee;
Thou art divine, fair Lesley,
The hearts o' men adore thee.
The deil he could na scaith thee,
Or aught that wad belang thee;
He'd look into thy bonnie face,
And say "I canna wrang thee!"
The Powers aboon will tent thee,
Misfortune sha' na steer thee;
Thou'rt like themselves sae lovely
That ill they'll ne'er let near thee.
Return again, fair Lesley,
Return to Caledonie!
That we may brag we hae a lass
There's nane again sae bonnie.
R. BURNS., THE GOLDEN TREASURY Of the best Songs and Lyrical Pieces In the English Language Selected by Francis Turner Palgrave
 
 
Tags: rabbie burns, burns, robert, scotland, scottish
 
 

Support poems4free.com
If you liked this page, feel free to share it!